الانترنت مهم، وبالنسبة للجماعة الارضي يعني خدمة الADSL مشكلتنا هي من تنكطع الكهرباء ويصير تبديل بين "الوطنية" و "المولدة" اكو فترة "تكَفر" بيها :) وتتراوح بين 20 دقيقة تنتظر ابو المولدة يشغل المولدة او تلكي الاخ مدري وين رايح وعايف المنطقة ظلمة وتنتظرة 4 ساعات. ويجوز مايجي او يجوز المولدة عاطلة وتنتظر فد 7 ساعات كل يوم خلال مدة التصليح حتى لو بقة يصلح بيها شهر :) حتى تجي مرة اللخ الوطنية.
بهاي الفترة ماعدنا نت :) ومانكدر نحجي ويا اصدقائنا وصديقاتنا وحبايبنا ببلاش. :)
حليت هاي المشكلة سابقاً ببطاريتين وديبقى يمي الانترنت يشتغل 45 دقيقة بعد انقطاع الكهرباء والمنطقة كلها ظلمة بس اني عندي نت. لكن مدا تكفي :) ولازم نحلها!! فكرت ببطاريات السيارة Hussien اعتقد عرفتلها! :)) (Y)
مشروعي الجاي هو انه اخلى الانترنت يستقل عن خطوط الطاقة الرئيسية، واخلي يستقل عن المولدة. واخلي يسوي دورة للنفسة بحيث هو يغذي نفسة من نفسة "مدى الحياة" 24 ساعة باليوم 7 ايام بالاسبوع.
التكلفة المبدئية الي حاطها ببالي هي 250$ وحساباتي وخبرتي العملية ودراستي للهندسة الكهربائية في كلية الهندسة جامعة صلاح الدين، اربيل - كوردستان العراق. تكول "نعم ممكنة! وتصير".
ان شاء الله تصير،
# Ni@C
No comments:
Post a Comment