"مشروع الدرع الذهبي" او "جدار الصين الناري العظيم"

"مشروع الدرع الذهبي" او "جدار الصين الناري العظيم"

هو مشروع لمراقبة الإنترنت، تشغله وزارة الأمن العام في جمهورية الصين الشعبية (MPS) وهي جزء من حكومة الصين. بدة المشروع في 1998 وبدأ تشغيله في نوفمبر 2003. طبعاُ الي يروح للصين لازم يتخلى عن الفيس بوك او اليوتيوب او Ebay وهذني المواقع المشهورة ... لانه كلها هناك ممنوعة. وهذا من اعقد واكثر مشاريع مراقبة الانترنت تطورا بالعالم. كل شي يراقب كل كلمة يراقها. بس ببكين اكو 40 الف موظف شغلتة يكابل الشاشة ويشوف شكو شي خطر ع الدولة. :) ورأسا مدرب كفاية انه يسدة ويمسحة ويغلقة ويطلع امر قبض ع الشخص الي سوة هل الشي.

وعبالكم مثل ما منعوا الFacebook باربيل وورة نص ساعة كلها كامت تفتح الفيس بوك من خلال فد شي اسمة VPN او Hotspot ههههه :) ممكن هناك بس هم ماممكن بنفس الوكت. اول شي الVPN هو عبارة عن فد شي نسمي بالاتصالات Virtual Private Network هو طبعاً اني هسة رح احجي معلومات ما اعتقد الكل رح يفتهمها لانه لازم ع الاقل قاري شوية حاسبات زين او عندة شهادة CISCO يلة يفتهم .... المهم الVPN يعني اممممم دقيقة ههههه هم مرح تفتهمون .... باعوا يا جماعة هسة من تطلب موقع معين رح تكتب اسمة بالمتصفح وهذا الاسم يروح بالواير للسيرفر مال الشركة الي انت مكنك عليها مثلا نوروز نليكوم او كورك ويسوي تطابق بين الاسماء بسيرفر مالتهم يسمو DNS الي هو اختصار Domain Name System علمود يجيب الIP مال الموقع الي انت طلبتة وبعدين يعيد الاتصال عن طريق الIP ويجيبلك الصفحة الي طلبتهة من مقرها مثلا FACEBOOK يروح يجيب الIP اول شي من نوروز بعدين يتصل من حاسبتك بسيرفرات FACEBOOK  الي مثلا بغير مكان بالعالم ويجيب الصفحة مالتك. وهكذا هذا يسمو DNS. فمثلا اذا كدر واحد يطب ع الDNS مالنوروز ويغير فقط بمكان كلمة FACEBOOK والIP مالتة الى IP مال فد موقع او صفحة هو الشخص نفسة مسويها مثلا ديريد يصارح وحدة يحبها فيروح يسوي صفحة مثلا "اني احبج يا فلانة" وينطيها IP ويطب ع نوروز ويغير الIP مالFACEBOOK  بالDNS الي الIp مال الصفحة مالتة ... ويسوي  SAVE  هاي هي كل الي باربيل او كل مستخدمين نوروز تلكيوم من رح يطلبون الFacebook رح تجيهم الصفحة مال هذا الشخص وتطلع ع شاشاتهم "اني احبج يا فلانة". هذا كلة DNS نسمي بالاتصالات.

بالصين ماكو حتى هاي ماتشتغل لانه البرمجة والFilters قوية للدرجة مو بس جهاز او برنامج يراقب وانما ناس بشر شغلتها بس تشوف شنو انت تنزل باليوم واي شي الة خطر ع الدولة او ع الحزب الشيوعي ويأثر ع المصلحة العامة اعتبر نفسك منتهي وبالسجن الى يوم يبعثون.

مرات تصير VPN او DNS  بس هم الصينيين مو "زمايل" عندهم فد شي يسمو "المدفع العظيم" ... هذا يستخدم فد تقنية بالاتصالات نسميها DDOS يعني يستهلك قوة السيرفر او الخط اي يوصل مثلا للهاي المواقع حتى يبطأ منة ويخلي الي يطلبون هاي المواقع يملون وهو نفسة تجزع ويعوف السالفة. :) يعني كفكرة مبسطة .. صدكوا هي بيها فيكات هواااية والي يريد يعرف اكثر عن الاتصالات يجيني للكلية او يقابلني ويدلل. ^_^

مو ياهو الي يجي وكال عندي منظومة،

# Ni@C